Patay ang isang Pinay OFW sa Taiwan pagkatapos matapunan ng hydroflouric acid

Si Desirie Castro Tagubasi, kilala bilang 'Des' na tubong Isabela ay namatay habang nasa Intesive Care Unit (ICU) sa isang hospital sa Taipei, ang ikinamatay nito ay dahil sa severe burn na natamo niya ng mabuhusan siya ng poisonous na hydroflouric acid.


Nagtatrabaho si Des sa kumpanyang Tyntek Corporation, isang optoelectronics company sa Miaoli County sa Taiwan. Kahit na maraming hospital sa Miaoli, mas piniling dalhin ang biktima sa Taipei dahil nandoon ang tamang kagamitan para sa treatment ng hydroflouric acid.

Ang hydroflouric acid ay isang kemikal na ginagamit sa paglilinis ng mga electronic materials o mga boards. Isa itong nakakalasong kemikal na kayang sumira sa mga tissues sa katawan kapag ito ay napunta sa balat o nainom. Ang pagexpose sa acid na ito ay lubos na nakakaapekto sa mga internal organs.

Ayon sa kumpanya, nakasuot naman si Des ng tamang protective apron pero nung tumalikod siya ay natamaan nito ang lalagyanan at natapunan ang kanyang kanang binti na nagdulot ng severe burns.


May gagawing investigation ang health and safety department ng local government dahil sa naturang aksidente.

Nakagawa na rin ng police statement ang kanyang kapatid at kasalukuyang tinutulungan ng MECO Taichung para makahanap ng abogado para sa kasong occupational accident.

Share: