Isang mambabatas ang nagsusulong ng panukalang nagbibigay ng isang beses na cash aid na PHP2,000 sa lahat ng Pilipino upang maibsan ang pasanin na dala ng pandemic at ang mabilis na pagtaas ng mga produkto at serbisyo.
Inihain ni Kalinga Rep. Irene Saulog ang House Bill 2022, o kilala bilang Universal Ayuda bill, na nagmumungkahi ng halagang PHP218 bilyon para pondohan ang one time cash aid.
Sinabi ni Saulog na ang ayuda ay magiging isang patas na paraan ng pagbibigay ng tulong lalo na sa mga napabayaan sa mga nakaraang programa ng gobyerno, tulad ng social amelioration program.
"While these programs had the noblest of intentions, the implementation was far from ideal. Many were left out," sabi ni Saulog.
"In fact, millions of families were included in the second tranche of ayuda in 2020 after their appeal. It only proves that the priority list prepared was not fully responsive and up-to-date," dagdag niya.
Aniya, ang panukalang batas ay naglalayong ipatupad ang nais gawin ng Bayanihan 3 bill o ang diumano'y stimulus measure noong nakaraang Kongreso, partikular na ang basic universal income sa mga Pilipino.
Ang panukala ay magiging kapaki-pakinabang din sa ekonomiya, dahil ang pera na ibibigay sa mga tao ay dadaloy pabalik at "pump prime" ang ekonomiya.
No comments:
Post a Comment